नविन वर्षाच्या शुभेच्छा

image courtesy  - bhunga

रण - राम गोपाल वर्मा...

रण
राम गोपाल वर्मा...
प्रोमोवरुन चित्रपट मिडियाच्या आजच्या ओंगळवाण्या स्वरुपावर प्रकाशझोत टाकतो असे वाटते.
मी तर वाट पाहत आहे याच्या रिलीजची...

जन-गन-रण तर अप्रतिम..

संगीत...

संगीत...
शिनुमा सोडुन माझा बेस्ट छंद म्हणजे संगीत ऐकणे.  घरी भावाला सुद्धा भारी वेड, त्याला जेव्हा एक टेंपररी नौकरी लागली, त्याने पहील्या पगारात एक टेप रेकोर्डर विथ स्पीकर्स घेतला.
तो आम्ही आमच्या खोलीत ठेवला, जी आम्ही आजी सोबत शेअर करत असु.  मग काय नव्याचे वेड म्हणुन रात्री १-२ वाजे पर्यंत गाणे ऐकायचो (अर्थात सौम्य आवाजात)... पण आजीला याचा त्रास व्ह्यायचा...तिच्या सेल्फ़ भजनांना प्रतिबंध यायचा.  भावाच्या दर पगारीच्या दिवशी आम्ही दोघे मेन मार्केटच्या कॅसेट सेंटर वर जाउन, लेटेस्ट कॅसेट्स घेवुन येत असु (त्यानंतरच उरलेले पैसे बाबांकडे जायचे :) ).  त्याकाळी आमच्याकडे जवळपास ३५०-४०० कॅसेट्स जमल्या होत्या.  माझ्या भावाला त्या कॅसेट्स त्यांच्या प्लॅस्टीक कवर सहीत जपुन ठेवण्याची आवड होती.  घरी येणारे प्रत्येक मित्र त्या कॅसेट्सची तारिफ करायचे, कारण प्लॅस्टीक कवर मुळे त्यांचे पोस्टर्स चांगले दिसायचे.  आता मला घर सोडुन ६ वर्ष झालीत.
परवा घरी असताना त्या कपाटात त्या कॅसेट्स दिसल्या..पण धुळ खात पडल्या होत्या.  सीडी प्लेयर, लॅपटॉप मुळे कुणीही त्याकडे ढुंकुन पाहत नव्हते. :)
नाहीतरी मनपसंद गाण्यासाठी वाट पहा किंवा एक बाय एक गाणे फॉरवर्ड कोण करणार... झटपट सगळं पाहीजे.  त्यामुळे या कॅसेट्स मागे पडल्या...
मी एकडे हैदराबादला आल्यावर टीवी किंवा म्युजीक प्लेयर नव्हता, मोबाइल, आईपॉड केवळ श्रीमंताकडे असायचे, थोडक्यात परवडायचे नाही.  सोपा पर्याय एकच होता तो म्हणजे एफ़ एम... इथे पण गोची.  फक्त एकच चॅनल, आकाशवाणी.  त्यावर अठवडयातुन केवळ १-२ तासच हिंदी गाने लागायचे.  बाकी पुर्ण वेळ तेलुगु.  मग हळुहळू प्रायवेट चॅनल सुरु झाले.
मग मी नोकीयाचा एफ एम फोन घेतला, ऑफ़ीसला जाताना जो वेळ बस मध्ये लागायचा त्यात खुप मोलाची साथ दिली मोबाईल आणि एफ़ एम ने.  पण हळुहळु कामाचा व्याप वाढु लागला आणि सर्व सोयी असताना ( सोनीचा म्युजिक सिस्टीम आहे आता) देखिल एकायला वेळ मिळेनासा झाला....

या सर्व आठवणी येण्याचे कारण म्हणजे खुप दिवसानंतर आज एफ़ एम ऐकलं, रेडीओ सिटी वर खुपंच मस्त गाणे चालु होते, मो. रफी पासुन जगजीत सिंग पर्यंत मनाला भिडणारे गाणे.
अतिशय उत्तम.  आज काल बहुतेक ३-४ तासच हिन्दी गाणे येतात पण त्यात जुने गाणे ऐकायला मिळणे ही पर्वणीच...

--आनंद

टॅगाटगी

टॅगाटगी -


कांचनजींनी टॅगलय... कॉलेज सोडताना स्लॅमबुक भरले होते, त्याची आठवण झाली... :)


1.Where is your cell phone?
लॅपटॉपच्या बाजुला...

2.Your hair?
काळे, पांढरे, काही लालसर, कुरळे...सर्वात महत्वाचे ते आहेत :)

3.Your mother?
आई... अजुन काय म्हणणार...सिंपली द ग्रेट

4.Your father?
तापट पण खुप काळजीवाहू.

5.Your favorite food?
आईच्या हातचं काहीही.. त्यातल्या त्यात भेंडीची भाजी.

6.Your dream last night?
स्वप्न पडणं बंद झालयं आज काल... (झोप येणेही)

7.Your favorite drink?
नारळाचे पाणी, आणि दुपारी कॉफ़ी.

8.Your dream/goal?
खुप आहेत...

9.What room are you in?
टीवी रूम.

10.Your hobby?
चित्रपट पाहने, संगीत ऐकने, वाचन.

11.Your fear?
अश्यात उंचावरुन खाली पाहील्यावर भिती वाटतेय... (अश्यानी मी कुठली उंची गाठणारयं कुणास ठावुक)

12.Where do you want to be in 6 years?
भारतातच...पण मध्ये युरोप फिरण्याची इच्छा आहे...

13.Where were you last night?
मित्राकडे

14.Something that you aren’t?
अंतर्मुख.

15.Muffins?
आवडत नाहीत.

16.Wish list item?
बंगला आणि गाडी.

17.Where did you grow up?
नांदेड, हैदराबाद.

18.Last thing you did?
माफ़ीया वार्स खेळलो.

19.What are you wearing?
नाईट पॅण्ट...

20.Your TV?
(नेहेमीप्रमाणेच) चालु... चॅनल सर्फिंग चालु आहे.

21.Your pets?
आवडत नाहीत.

22.Friends?
चिक्कार...

23.Your life?
वेरी प्रेडीक्टेबल..

24.Your mood?
नाताळ सुट्टी मुळे ऑफीस मध्ये जास्त काम नाही, मुड मस्त आहे... आज घरी जायचयं रात्री.

25.Missing someone?
हो ...

26.Vehicle?
सद्ध्या नाही, पण आइ-२० घ्यायचीय...

27.Something you’re not wearing?
शर्ट

28.Your favorite store?
लाईफस्टाईल, म्युजीक वल्ड.

Your favorite color?
डिपेण्ड्स...कशासाठी विचारताय त्यावर.  बहुतेक गोष्टी साठी काळा.

29.When was the last time you laughed?
आत्ताच.. दुपारचा चहा पिताना. (दोस्ताना जोक्स मित्रावर..)

30.Last time you cried?
तीन वर्षापुर्वी.

31.Your best friend?
शिनुमा एके शिनुमा.. पण एकांतात

32.One place that you go to over and over?
रेल्वे स्टेशन आणि प्लॅटफार्म्स. (मी टीसी नाहीये ;-) )

33.One person who emails me regularly?
रेग्युलर कुणीही नाही, फोन वर जास्त बोलणं होते आज काल...

34.Favorite place to eat?
हैदराबादला हवेली... नांदेडला भाग्यनगर कॉर्नर.


मी कुणाला टॅगनार? सर्व ब्लॉग मित्रांनी लिहुन ठेवलयं आधिच... तरीही माझी लिस्ट..

कांचनजी, महेंद्रजी, भाग्यश्रीजी, गौरीजी, अजय, माधुरीजी, सौरभ , विशाल ....

गोदावरीच्या तिरी

रात्र

काल रात्री घरी जाण्यास खुप उशिर झाला, रात्रीचे २ वाजले, कंटाळुन निघालो आणि जाताना शहराची एका वेगळ्या द्रुष्टीने ओळख झाली.
रात्रीच्या निरवं शांततेत, एरवी भकास दिसणारे शहर खुपचं सुंदर दिसु लागते.
रस्ते, जे वाहनांच्या गर्दीत एरवी हरवलेले असतात त्यांचं अस्तित्व दिसु लागते, खड्डे सोडुन रस्ता देखिल आहे, आणि तो सुंदर सुद्धा दिसतो याची जाणिव होते...शांत शांत इमारती आणि गोंगाट विरहीत वातावरण नकळत मनाला गुदगुल्या करतं.  थंड, प्रदुषणरहीत हवा तजेला देते.
आणि एरवी १-२ तासाचा ट्रॅफ़ीकशी झगडत केलेला प्रवास आता केवळ २० मिनिटात संपतो.

open happiness